Ministrja e Punëve të Jashtme dhe Diasporës, Donika Gërvalla-Schwarz, duke raportuar në Komisionin për Punë të Jashme ka paraqitur planin e punës së ministrisë që udhëheq, raporton Gazeta Enigma.
Gjatë këtij fjalimi, Gërvalla ka theksuar se një nga projektligjet e shumta që ka hartuar kjo ministri është edhe projektligji për shërbimin e jashtëm.
Ministrja ka theksuar se ky projektligj është i rëndësishëm dhe i domosdoshëm.
“Është hap i rëndësishëm dhe i domosdoshëm për avancim të mëtejmë të shërbimit të jashtëm. Me hartimin e këtij projektligji do të bëhen reforma lidhur me shërbimin e jashtëm të Kosovës”, tha Gërvalla.
Ajo shtoi se ky projektligj mundëson krijimin e një shërbimi të jashtëm profesional.
“Projektligji përcakton edhe ndryshimet thelbësore në strukturën e brendshme organizative të MPJD-së. Ky ligj mundëson krijimin e një shërbimi të jashtëm profesiona”, u shpreh Gërvalla duke theksuar se afati i paraparë për dërgim dhe miratim në qeveri të këtij projektligji është 20 shtatori 2021.
