Pas numërimit të 100% të votave të ardhura me postë, gjilanasit do t’i kthehen përsëri kutisë së votimit më 9 nëntor, raporton Gazeta “Enigma”.
Kjo pasi në raundin e parë, asnjëra parti nuk arriti mbi 50% të votave.
Gara në Gjilan do zhvillohet mes LVV-së së Alban Hysenit dhe LDK-së së Arbër Ismajlit.
Në raundin e parë, Alban Hyseni ishte shumë afër ta përfundonte këtë garë pa balotazh, pasi pati 49.76% të votave, duke e lënë pas Arbër Ismajlin me 34.42% të votave.
Për të siguruar fitoren, Hysenit i duhej të paktën 70% i votave nga diaspora, gjë të cilën nuk e arriti.
Nga votat me postë, Hyseni mori 51.77% të votave, kurse Ismajli arriti 36.32%. /Gazeta Enigma/
