Ambasadori amerikan në Kosovë, Jeffrey Hovenier, ka marrë pjesë sot në shënimin e Ditës së Çlirimit të Kosovës, raporton Gazeta Enigma.
“Sot iu bashkova zyrtarëve kosovarë dhe mysafirëve të dalluar për të shënuar 25-vjetorin e hyrjes së forcave të NATO- në Kosovë, që i dha fund kampanjës brutale të spastrimit etnik të kryer nga regjimi i Millosheviqit”, ka shkruar Hovenier.
“Shtetet e Bashkuara janë krenare për rolin e rëndësishëm që e kanë luajtur, bashkë me aleatët, për t’i stopuar horroret dhe për të mbështetur të gjithë popullin e Kosovës për ta realizuar të ardhmen e tyre si shtet sovran, i pavarur, multietnik, dhe demokratik”, përfundon shkrimi i tij në platformën “X”.
/Gazeta Enigma/
