Ish ministri Skender Hyseni, përmes një postimi në profilin e tij në Facebook ka pyetur se kur do ta kuptojë populli i mjerë se kush është Albin Kurti dhe Vjosa Osmani.
Tutje ai ka thënë se të gjitha krizat në veriun e Kosovës janë prodhuar në mandatin e tyre dhe në këtë të fundit, bota tregoi se është lodhur me ne.
Hyseni ka shtuar se Kurti dhe Osmani po vazhdojnë t’i befasojnë ndërkombëtarët, derisa kanë vetëm hallin e pushtetit të tyre, ndërsa që intelektualë e akademikë qëndrojnë të heshtur si strucat.
