Skuadra kryesore e Milanit luajti këtë të mërkurë kundër asaj U-18 dhe Zlatan Ibrahimovic luajti për ekipin e të rinjve dhe përkrah djalit të tij, Maximilian, i cili është vetëm 16 vjeç.
Shtypi italian zbuloi se Ibrahimovic luajti si sulmues dhe djali i tij si anësor i djathtë.
Golashënuesi suedez nuk ishte përfshirë në listën për Champions League, ndaj nuk ishte i disponueshëm për ndeshjen e së martës kundër Tottenhamit.
Ibrahimovic, i cili ka qenë jashtë fushës që nga maji 2022 për shkak të lëndimit, u thirr në skuadër për herë të parë në ndeshjen e javës së kaluar kundër Torinos.
