Një qytetar i quajtur Fahri Fazliu pretendon se është ftuar nga Gjykata Speciale në cilësinë e dëshmitarit, raporton Gazeta “Enigma”.
Siç thotë ai ftesën e ka pranuar pasditen e djeshme, ndërsa më 23 qershor i është kërkuar të paraqitet në Hagë.
Ftesën e marrë nga Specialja ai e ka quajtur të çuditshme, pasi vë në pah faktin se në luftë ishte vetëm 8-vjeçar.
Postimi i tij i plotë:
Të nderuar miq, shokë, dashamirë dhe kolegë!
Dje pasdite më ndodhi diçka shumë e çuditshme dhe e papritur – mora Ftesën nga Zyra e Prokurorit të Specializuar, të paraqitem në Hagë, me 23 qershor 2021, në cilësinë e dëshmitarit.
Unë në luftë isha vetëm 8 vjeç. #LiriakaEmërUÇK.
Deri më tani Gjykata Speciale ka dërguar qindra ftesa për ish-pjesëtarët e UÇK-së, ftesat u janë dërguar në cilësinë e dëshmitarëve dhe të dyshuarve.
Ndërsa në Hagë në paraburgim po vazhdojnë ish-figura të njohura të UÇK-së, përfshirë ish-presidentin Thaçi, ish-kreun e parlamentit Kadri Veseli, Rexhep Selimi, Jakup Krasniqi, Nasim Haradinaj, Hysni Gucati etj.
