Çdo ditë në Kosovë raportohen raste të shumta të dhunës në familje, për të cilat Sinjali raporton në vazhdimësi si dukuri shqetësuese. Në shumicën e rasteve të tilla viktima janë gratë të cilat përjetojnë dhunë psikike e fizike edhe nga ish-partnerët. Kështu i ka ndodhur edhe një gruaje në fshatin Vugovë të Gjakovës,
Këtë herë burimet të Sinjalit nga Prokuroria kanë bërë me dije se bëhet fjalë për një 38-vjeçare, e cila e ka denoncuar ish-partnerin e saj 54-vjeçar, me të cilin ka bashkëjetuar më parë, por tashmë janë ndarë.
Viktima ka kërkuar ndihmën e Policisë, pasi sipas saj i dyshuari i kishte zënë pritën diku në rrugë, duke e kërcënuar se do t’ia ndalojë të hyjë në qytet, si shenjë hakmarrjeje pas asaj që ka ndodhur. Ajo para hetuesve policorë ka kërkuar ndihmën e Policisë që ai mos ta shqetësojë më.
Njësitet policore janë vënë menjëherë në lëvizje, me ç’rast është arrestuar personi i dyshuar i cili është shoqëruar në Stacion Policor për intervistim. Ndaj tij, Prokurori i Shtetit ka iniciuar rast për veprën penale “Dhunë në familje”.
