Sot do të mbahet konventa e dhjetë me radhë e Partisë Demokratike të Kosovës, ku do të zgjidhet edhe kryetari i ri i kësaj partie, raporton Gazeta “Enigma”.
Konventa do të mbahet nga ora 09:30. Sipas PDK-së, kjo konventë është e ndarë në dy pjesë.
Në Konventë do të marrin pjesë 794 delegatë.
Sipas afatit të përcaktuar në ditën e shpalljes së zgjedhjeve, deri të enjten në ora 17:00, kandidaturën për kryetar të partisë e ka paraqitur vetëm Memli Krasniqi.
Ndërsa ish-ushtruesi i detyrës së PDK-së, Enver Hoxhaj dy ditë më parë përmes një konference për media bëri të ditur se nuk do të kandidojë për të parin e partisë.
