Deputetja e Britanisë së Madhe Alicia Kearns, ka shprehur mospajtimin e saj lidhur me paralajmërimet e Bashkimit Evropian ndaj Kosovës nëse Qeveria vepron njëanshëm duke hapur Urën e Ibrit.
Kearns tha se kjo marrëveshje ishte nënshkruar në vitin 2015 me afatin e zbatimit në vitin 2017.
Ajo pyeti se ” pse kjo marrëveshje trajtohet ndryshe nga të tjerat që BE-ja i ka imponuar Kosovës?”.
Ligjvënësja përmes një shkrimi në X e ka kritikuar BE-në për mosveprimin ndaj Serbisë, pavarësisht provave të shumta që lidhin Milan Radoiçiq dhe sulmuesit e Banjskës me shtetin serb.
Sipas saj, ndëshkimi i Kosovës për hapjen e një ure, ndërsa injorohet situata në Banjskë, sugjeron se vetë procesi është thellësisht i padrejtë dhe ka nevojë për reforma urgjente.
Ishte pikërisht Alicia Kearns, ajo që e pati paralajmëruar se një sulm në Banjskë do të mund të ndodhte, disa muaj para sulmit terrorist të 24 shtatorit 2023, ku i vrarë mbeti polici Afrim Bunjaku.
Kearns pati publikuar pamje se si një grup serbësh po barte armë me autoambulancë duke i futur në Manastir.
Postimi:
Appalled to see the EU threaten Kosovo with further negative measures should Ibar Bridge reopen.
This was agreed in 2015 with an implementation date of 2017 – why is it different to the other previous agreements EU is forcing Kosovo to uphold?
The new UK Govt and new EU team…— Alicia Kearns MP (@aliciakearns) August 15, 2024
