Orges Shehi dhe Zekirija Ramadani janë në opsion për ta marrë drejtimin e Gjilanit sezonin e ri në futboll.
Gjilani të hënën ka mbetur pa trajner. Ismet Munishi dhe Gjilani kanë ndarë rrugët, ndërsa pas sezonit aktual, Gjilani do ta emërojë një trajner të ri për sezonin e ardhshëm.
“Opsionet tona janë Orges Shehi dhe Zekirija Ramadani. Por do të shohim për opsionin më të mirë të mundshëm”, ka thënë një zyrtar i klubit në kushte anonimiteti për KOHËN.
Shehi është trajner i Tiranës, kurse Ramadani i Egnatias në Shqipëri. Tirana është në garë për titull të kampionit. Është lider me 66 pikë, ndërsa Egnatia në vendin e tetë me 31 pikë. Ramadani ka thënë se është pjesë e Egnatias deri në fund të sezonit.
