Profesori kosovar që ligjeron në Universitetin e Dublinit, Gëzim Visoka, ka reaguar lidhur me komunikatën e fundit të KFOR-it në të cilën njoftohet për takimet që ka pasur komandanti Ferenc Kajari.
Visoka thotë se një komunikatë e tillë e lëshuar nga KFOR-i si mision i NATO-s shkon përtej qëndrimit të zakonshëm neutral ndaj Republikës së Kosovës.
Madje profesori kosovar thotë se mbase KFOR-i e bën edhe më keq se Bashkimi Evropian.
Sipas tij, një gjë të tillë e kanë bërë për të qetësuar Serbinë, meqë nuk i referohen Albin Kurtit si kryeministër i Qeverisë së Republikës së Kosovës, derisa Goran Rakiqit i referohen si kryetar i Listës Serbe.
“NATO në këtë deklaratë për shtyp për të qetësuar Serbinë shkon përtej neutralitetit të zakonshëm të statusit (madje më keq se BE-ja). Ajo i shmanget adresimit të Albin Kurtit si kryeministër i Qeverisë së Kosovës, ndërsa Goran Rakiqit i drejtohet kryetar i Partisë së Listës Serbe”, ka shkruar Visoka.
Postimi:
NATO in this press release in order to appease Serbia goes beyond the usual status neutrality (even worse than the EU). It avoids addressing Albin Kurti as the Prime Minister of the Government of Kosovo, while it addresses Goran Rakic as the Head of the Serbian List party. pic.twitter.com/lH8as4yKZw— Gëzim Visoka (@GezimVisoka) August 26, 2022
