Kryeministri i Kosovës, Albin Kurti nuk është parë sot gjatë seancës së Kuvend të Kosovës, derisa për këtë është dhënë një arsye.
Sipas një njoftimi për media nga Zyra e Kryeministrit, thuhet se arsye e mungesës së tij në këtë seancë është se Kurti ka udhëtuar drejt Norvegjisë.
“Kryeministri i Republikës së Kosovës, Albin Kurti, së bashku me ministrin e Mbrojtjes, Armend Mehaj, zëvendësministren e Arsimit, Shkencës, Teknologjisë dhe Inovacionit, Edona Maloku Bërdyna dhe zëvendësministren e Punëve të Jashtme dhe Diasporës, Liza Gashi, ka udhëtuar për vizitë zyrtare në Norvegji”, thuhet në njoftim.
Gjatë qëndrimit atje, ai do të takohet me Kryeministrin e Norvegjisë, Jonas Gahr Støre dhe me zyrtarë tjerë të lartë të qeverisë norvegjeze. /Gazeta Enigma/.
