Sekretari i OVL-UÇK’së, Faton Klinaku, i ka dërguar mesazh Prokurorisë Speciale në Hagë përmes një postimi në Facebook, raporton Gazeta Enigma.
Klinaku ka thënë se OVL-UÇK nuk ka publikuar asgjë, ndërsa thotë se dokumentet u janë ofruar mediave për publikim.
Ai thotë se këtë do ta bëjnë përsëri, pasi thotë se nuk mbajnë fshehur skandalet e Prokurorisë në Hagë dhe për këtë nuk kanë asnjë detyrim.
“Për Prokurorinë e Specializuar në Hagë: Po habitem me amatorizmin tuaj – Ne as nuk kemi publikuar e as nuk publikojmë asgjë. Ne ua kemi ofruar mediave për publikim dhe do t’ua ofrojmë përsëri. Nuk do t’i mbajmë fshehur skandalet e juaja sepse nuk e kemi asnjë detyrim për këtë”, shkroi Klinaku.
/Gazeta Enigma/
