Në një ceremoni të organizuar nga presidentja Vjosa Osmani, komandanti i Forcave të Sigurisë së Kosovës gjeneralmajor Bashkim Jasharin merr gradën gjenerallejtënant.
Siç bën të ditur Presidenca, ceremonia do të fillojë në ora 10:00.
“Presidentja e Republikës së Kosovës, Vjosa Osmani duke u mbështetur në kompetencat e saj kushtetuese dhe ligjore, në një ceremoni të veçantë gradon gjeneralmajor Bashkim Jasharin në gradën gjenerallejtënant”, thuhet në njoftimin e Presidencës.
Jashari ka pranuar detyrën e komandantit të përgjithshëm të FSK-së më 1 dhjetor. Para tij, në krye të FSK-së ishte gjenerallejtënant, Rrahman Rama. /Gazeta Enigma/.
