FIFA ka bërë publike dhe renditjen e përgjithshme të muajit tetor për kombëtaret. Kosova ka pësuar një rënie me 4 pozicione në renditjen e përgjithshme të FIFA-s, ku nga vendi i 109 ka shkuar në 113.
Kjo zbritje ka qenë për arsye të rezultateve negative ku Kosova ka pasur në ndeshjet e muajit shtator dhe tetor, ku në 5 sfida “Dardanët” kanë triumfuar në vetm 1 ndeshje.
Shqipëria ka bërë progres në këtë renditje teksa është ngjitur me tre vende, nga pozicioni i 66-t ka shkuar në vendin e 63-t.
Kjo falë paraqitjeve pozitive të kryera në muajin shtator dhe muajin tetor, ku triumfoi dy herë ndaj Hungarisë, një herë ndaj San Marinos dhe një humbje në sfidën e fundit ndaj Polonisë 0-1 në stadiumin “AIR Albania”.
Vendin e parë të kësaj renditje e mban ende Belgjika, vendi i dytë i takon Brazilit, ndërsa podiumin e mbyll Franca.
Në vendin e katërt renditet Italia, në të pestin Anglia dhe në të gjashtin Argjentinam shkruan Gazeta Enigma.
