Presidentja Vjosa Osmani ka njoftuar se përveç aktit të njohjes nga Bahamas, së bashku me kryeministrin Philip Davis nënshkruan edhe Marrëveshjen për vendosjen e marrëdhënieve diplomatike.
“Ky akt forcon subjektivitetin ndërkombëtar të Kosovës dhe zgjeron rrethin e shteteve tona mike që besojnë në vlerat e lirisë, sovranitetit dhe bashkëpunimit”, shkroi Osmani.
“Kosova mbetet e përkushtuar ndaj partneriteteve të sinqerta, në shërbim të paqes dhe stabilitetit ndërkombëtar”, shtoi tutje e para e shtetit.
