Memli Krasniqi, kryetari i Partisë Demokratike të Kosovës, ka takuar sot në Bruksel përfaqësuesin special të Bashkimit Europian për dialogun Kosovë-Serbi, Miroslav Lajçak, ku ka diskutuar për zhvillimet e fundit politike në Kosovë dhe i ka shprehur qëndrimet mbi këto zhvillime.
Ai atje tha se për PDK-në janë të papranueshme veprimet të cilat “po e largojnë Kosovën nga rruga e paalternativë e integrimit euro-atlantik dhe të cilat po i sjellin vendit sanksione nga partnerët tanë”.
“PDK do të angazhohet fuqishëm në misionin e saj, që përmes të gjitha mjeteve demokratike, të ruaj interesin e qytetarëve dhe shtetit të Kosovës. Kjo vlen edhe për sa i përket shtensionimit dhe kthimit të normalitetit në komunat e pjesës veriore të Kosovës”, tha Krasniqi.
