Kremlini sheh “sinjale pozitive” nga qëndrimi i Donald Trump ndaj Ukrainës.
Të paktën kështu është shprehur Dmitry Peskov, zëdhënës i Kremlinit.
“Sinjalet janë pozitive. Gjatë zgjedhjes së tij Trumpi foli për mënyrën sesi ai percepton gjithçka përmes marrëveshjeve. Ai nuk flet për dëshirën për t’i shkaktuar një disfatë strategjike Rusisë, dhe kjo e dallon atë nga administrata aktuale”, tha ai.
Megjithatë, Peskov gjithashtu ka shtuar se Trumpi është “më pak i parashikueshëm”, veçanërisht kur bëhet fjalë për t’iu përmbajtur premtimeve që ai bëri gjatë fushatës zgjedhore.
Donald Trumpi ka deklaruar gjatë fushatës zgjedhore se nëse zgjidhet president, do ta ndalte luftën në Ukrainë brenda 24 orëve, por pa specifikuar se si do ta bënte këtë. /Gazeta Enigma
