Kryeministri i Kosovës, Albin Kurti, në një takim me përfaqësuesit e vendeve të QUINT-it: SHBA-së, Mbretërisë së Bashkuar, Gjermanisë, Italisë dhe Francës, ndër të tjera ka folur për procesin e normalizimit të marrëdhënieve me Serbinë.
Siç ka bërë të ditur në platformën “X”, Kurti ka theksuar se vitin e kaluar më 26 tetor në Bruksel, Serbia ka refuzuar nënshkrimin e Marrëveshjes Themelore.
Kjo në një paketë që sipas tij do të mundësonte zbatimin e plotë të saj, duke përfshirë nenin 7 në lidhje me nenin 10.
“Çështjet që kanë të bëjnë me dialogun duhet të trajtohen në Bruksel”.
“Përpara të nesërmes @coe, takimi për axhendën e Komitetit të Ministrave, u takova me ambasadorët e QUINT-it dhe kujtova se juristët e shquar, raportues @Dora Bakoyannis dhe @PACE_News, të gjithë kanë konstatuar se Kosova i ka plotësuar të gjitha kriteret për anëtarësim”, u shpreh kryeminsitri.
With 131 to 29, PACE recommended that 🇽🇰 be accepted into the CoE without further pre-conditions. As autocracies threaten democratic values in Europe, I urged them to stand by Kosova’s democratic achievements and support our bid for CoE membership. This is a historic opportunity.— Albin Kurti (@albinkurti)May 6, 2024
Ai theksoi se procesi i normalizimit të marrëdhënieve me Serbinë, nuk duhet të përzihet me çështjen e anëtarësimit të Kosovës në Këshillin e Evropës (KiE).
Nëse përzihen, tha Kurti, dëm do t’i shkaktohej edhe dialogut për normalizimin e marrëdhënieve që zhvillohet në Bruksel, edhe Këshillit të Evropës si “institucion i ruajtjes dhe promovimit të demokracisë dhe të drejtave të njeriut”.
Tash për tash nuk ka ndonjë reagim nga përfaqësuesit e vendeve të QUINT-it, por ata, vazhdimisht, i kanë bërë thirrje Kosovës që të bëjë hapa drejt normalizimit të marrëdhënieve me Serbinë, duke formuar fillimisht Asociacionin e komunave me shumicë serbe.
