Kryeministri i Kosovës, Albin Kurti në Forumin e Paqes në Paris ka takuar edhe zëvendëspresidenten e Shteteve të Bashkuara të Amerikës, Kamala Harris.
Pas këtij takimi, përmes Twittet-it, Kurti duke shpërndarë një fotografi të përbashkët, ka thënë se historia e Harris është frymëzim për të gjithë.
“Ishte nder e kënaqësi të takohesha me Zëvendës Presidenten e Shteteve të Bashkuara, Kamala Harris dhe bashkëshortin e saj, Douglas Emhoff. Historia e saj mbresëlënëse e thyerjes së barrierave është një frymëzim për të gjithë ne”, shkruan Kurti krahas fotografisë ku është në shoqërinë edhe të bashkëshortes së tij, Rita Kurti.
Was an honor and a pleasure to meet @VP of the United States, Kamala Harris and her husband @SecondGentleman, Douglas Emhoff. Her trailblazing story of breaking barriers is an inspiration to us all! pic.twitter.com/3lkwo1pv5M— Albin Kurti (@albinkurti) November 12, 2021
Kryeministri Kurti më herët në Samitin e Paqes, iu është drejtuar pjesëmarrësve përmes një video-mesazhi.
Kurti u shpreh se është detyrë e liderëve, shkencëtarëve e aktivistëve që të jenë përparimtar.
LEXO EDHE: Mesazhi i plotë i Kurtit në Forumin e Paqes në Paris
“Është detyra jonë si liderë, shkencëtarë e aktivistë, jo të qëndrojmë në margjinat e historisë, por të jemi përparimtarë, ta përqafojmë dhe t’i japim formë asaj duke avokuar për më shumë barazi e drejtësi në gjithë botën”, ka deklaruar Kurti.
Ndryshe, Forumi i Paqes është duke u mbajtur në Paris nën patronatin e presidentit francez Emanuel Macron.
