Kryeministri i Kosovës, Albin Kurti, ka udhëtuar sot për në Hanover, Gjermani, ku do të marrë pjesë në panairin më të madh ndërkombëtar të industrisë dhe teknologjisë, “Hannover Messe 2025”, raporton Gazeta “Enigma”.
Është viti i dytë që Kurti merr pjesë në këtë ngjarje, e cila fokusohet në inovacionin, automatizimin dhe transformimin industrial.
Bashkë me Kurtin në këtë vizitë do të marrë pjesë edhe ministrja e Industrisë, Ndërmarrësisë dhe Tregtisë, Rozeta Hajdari.
Ata do të zhvillojnë një tur të udhëhequr nëpër pavijonet e kompanive lidere globale si Bosch Rexroth, Festo, Siemens, Aleph Alpha, SAP dhe Schneider Electric.
Fokusi kryesor i këtij turi do të jetë teknologjitë inteligjente të prodhimit, automatizimi industrial dhe ekosistemet digjitale.
Po ashtu, Kurti do të vizitojë stendën e Kosovës në panair, ku këtë vit janë të pranishme disa kompani kosovare. /Gazeta Enigma/
