Primoz Gliha ka kohë që është në Kosovë, ndërsa funksiononte si pjesë e stafit të Bernard Challanes.
Tani që zvicerani dhe stafi i tij janë larguar nga drejtimi i Kosovës, ka mbetur vetëm slloveni.
Telegrafi mëson se ai do ta drejtojë Kosovën në ndeshjen e fundit të fazës së grupeve në kualifikimet për Kampionatin Botëror, me Greqinë që luhet më 14 nëntor në Athinë.
Po ashtu Griha do të jenë në stol edhe në ndeshjen miqësore që Kosova e zhvillon ndaj Jordanisë në Prishtinë.
Këto dy ndeshje do të jenë teste për sllovenin, i cili llogaritet si njëri nga pasuesit e Challandesit, por lista në kohën e fundi është zgjeruar, ku spikat edhe emri i Felix Magath, si kandidati kryesor.
Gliha ka kohë që qëndron në Prishtinë, ndërsa ka qenë pjesë e FFK-së në muajt e fundit.
Kush është Primoz Gliha?
Slloveni është 53-vjeçar dhe ka lindur në Lubjanë të Sllovenisë. Si futbollisti ka bërë karrierë në klube si Olimpija, Dinamo Zagreb dhe Mura, në Kroaci dhe Slloveni. Ai ka luajtur edhe në Izrael dhe Hungari, ndërsa kë bërë 28 paraqitje me Kombëtaren e Sllovenisë.
Si trajner Gliha ka drejtuar ekipin U21 të Sllovenisë, por edhe ato më poshtë si U18 dhe U19 të këtij vendi.
Olimpija, Drava, Gorica, Mura dhe Koper janë klubet ku ai ka ushtruar zejen e trajnerit.
/Gazeta Enigma/
