Ermal Sherifi nga fshati Rubovc i Madh është i riu që humbi jetën në incidentin tragjik të ndodhur sot në Rrugën A në Prishtinë, ku një kran u shemb në një vendpunishte.
Ai nuk arriti t’u mbijetojë plagëve të marra nga shembja e kranit, ndërsa vdekja e tij u konstatua nga ekipi mjekësor në Qendrën Klinike Universitare të Kosovës (QKUK).
Nga incidenti mbeti i lënduar edhe një person tjetër, i cili është dërguar në QKUK për trajtim mjekësor.
