Ylli i Real Madridit, Luka Modric mund të humbasë tre nga ndeshjet e tyre më të rëndësishme këtë sezon, pasi ka pësuar një lëndim muskulor këtë javë.
Mesfushori kroat lëshoi fushën kundër Girona të martën dhe menjëherë iu vendos akulli në kofshë pasi përjetoi dhimbje të konsiderueshme.
Sipas Relevo, kjo dhimbje nuk është përmirësuar në tre ditë që nga ajo kohë dhe në fakt është përkeqësuar, duke vënë në dyshim praninë e tij në disa ndeshje të rëndësishme.
Modric pritet të mungoj në finalen e Copa del Rey kundër Osasuna pas tetë ditësh dhe gjysmëfinalen e Ligës së Kampionëve kundër Manchester City, që zhvillohet pas 11 ditëve.
Kroati shpreson të rikuperohet sa më shpejt që të jetë e mundur, por shpesh këto probleme muskulore priren të marrin një javë deri në dy javë për t’u rikuperuar në minimum. Ai ka të ngjarë të jetë jashtë nga të dyja këto ndeshje vendimtare.
Megjithatë, ai mund të kthehet për ndeshjen e dytë gjysmëfinale të Ligës së Kampionëve në Etihad më 17 maj, që përfaqëson një datë më realiste të kthimit. Kjo duket si një goditje e madhe për Carlo Ancelottin.
Të paktën, Real Madridi mund të llogarisë në një numër mesfushorë që do të plotësojnë kroatin së bashku me Toni Kroos, edhe pse asnjeri nuk mund të përsërisë plotësisht kontributin e Modric.
Fede Valverde, Eduardo Camavinga, Aurelien Tchouameni dhe Dani Ceballos mund të luajnë të gjithë në vend të yllit kroat.
Ceballos është ndoshta opsioni më i ngjashëm që Los Blancos kanë, me Ancelottin që komentoi në të kaluarën se ai është gjëja më e afërt me kroatin në sytë e tij.
Së fundmi në ndeshjet e mëdha, Valverde, Kroos dhe Modric kanë filluar me Camavinga në krahun e majtë, por ai mund të zgjedhë të luajë me Nacho Fernandez në krahun e majtë dhe ta çojë francezin përpara nëse dëshiron të luajë më me kujdes kundër Pep Guardiolës.
