Lista e qytetarëve që do ta marrin nesër dozën e dytë të vaksinës anti-COVID në Sallën “1 Tetori” në Prishtinë

Lista e qytetarëve që do ta marrin nesër dozën e dytë të vaksinës anti-COVID në Sallën “1 Tetori” në Prishtinë

Ministria e Shëndetësisë ka ftuar qytetarët që kanë marrë dozën e parë të vaksinës kundër COVID-19, që nesër (e diel), të paraqiten në Sallën “1 Tetori” në Prishtinë për marrjen e dozës së dytë, sipas terminëve të caktuara në listën e bashkëngjitur në përshkrimin e këtij postimi, raporton Gazeta Enigma.



Ministria e Shëndetësisë thotë se qytetarët që nuk janë pjesë e kësaj liste, por që gjithashtu janë vaksinuar me dozën e parë sipas datave të lartë perënduara, janë duke u kontaktuar përmes telefonit, për t’u vaksinuar me dozën e dytë.

ℹ Ftohen qytetarët e listës në vijim, që kanë marrë dozën e parë të vaksinës kundër COVID-19, që nesër, ditë e diel, 13…Posted by Ministria e Shëndetësisë on Saturday, June 12, 2021

Ndryshe autoritetet shtetërore të shëndetësisë kanë paralajmëruar nga 15 qershorivaksinim masiv kundër COVID-19.

E për t’u realizuar ky proces të gjitha komunat tashmë kanë bërë përgatitjet e nevojshme dhe deklarojnë se janë gati për vaksinimin në masë. Krahas ekipeve mjekësore autoritetet komunale kanë përgatitur edhe hapësirat ku do zhvillohet procesi i imunizimit e që kryesisht janë përzgjedhur salla kulturore dhe sportive.

Në Prishtinë procesi i imunizimit masiv do të vazhdojë në Sallën “1 Tetori”.

Ushtruesi i detyrës së drejtorit të Qendrës Kryesore të Mjekësisë Familjare në Prishtinë (QKMF), Rrezart Halili thotë se tanimë kanë bërë trajnimin e profesionistëve shëndetësorë dhe se i kanë dakorduar planet me Ministrinë e Shëndetësisë dhe IKSHPK-në në mënyrë që ky proces të realizohet pa telashe./Gazeta Enigma/

Related Articles