Në kuadër të elitës së futbollit kosovar, sot do të zhvillohen dy ndeshje tejet interesante.
Pasditja e sotme do të jetë e rezervuar për dy ndeshje të javës së gjashtë të Superligës së Kosovës.
Sfida kryesore e ditës së sotme do të zhvillohet në stadiumin në Merdare.
Llapi është nikoqir i Drenicas me fillim nga ora 15:00, ku të dyja skuadrat e kërkojnë fitoren.
Llapjanët janë në presion më të madh pasi që nuk kanë shijuar ende fitoren këtë edicion.
Nga ana tjetër, në stadiumin e qytetit në Suharekë, Ulpiana nga Lipjani është nikoqir i Dukagjinit të Klinës.
Ulpiana vjen super e motivuar pas fitores 2:3 ndaj Gjilanit në Gjilan, teksa Dukagjini pas rezultateve të dobëta, kërkon fitoren sot.
Të dyja ndeshjet do të zhvillohen nga ora 15:00.
