Një arsimtar nga Drenoci i Rahovecit është kërcënuar me jetë. Policia e Kosovës ka arrestuar një person si të dyshuar.
Ishte duke punuar në fushë deri në orët e pasdites.
Kur mbaroi punët, një mësues i fshatit Drenoc të Rahovecit u nis të kthehej për në shtëpi me veturën e tij.
Mirëpo, rrugëtimi i tij u ndërpre nga një bashkëfshatar, i cili u përplas verbalisht me të.
Mirëpo, kur mendoj se aty i qëroi hesapet, një thirrje në orën 12 të mbrëmjes ia prishi qetësinë atij.
I dyshuari i armatosur deri në dhëmbë i kishte shkuar te shtëpia.
E në pamjet që siguruar televizioni 7, shihet edhe ky moment i përplasjes mes tyre.
Pas kësaj përplasje mësuesi me ndihmën e djalit të tij kishin arritur t’ia merrnin edhe armën.
Mësuesi i cili ka dashur të jetë anonim thotë se ky rast nuk është i pari ndaj tij, ndërsa dyshon se në këtë mes ka gisht edhe politika.
33-vjeçari i dyshuar u arrestua më pas nga Policia e Kosovës, e që iu konfiskuan më pas edhe dy granata dore një revole e një karikator.
Ndaj tij Prokuroria Themelore në Gjakovë ka kërkuar masën e paraburgimit.
Mësuesi që punon në shkollën e fshatit, në të kaluarën kishte pasur edhe një sulm tjetër në vendin e punës./Gazeta Enigma/
