Boksierja e Kosovës, Donjeta Sadiku, do të përballet me Caroline Dubois nga Britania e Madhe sonte pas mesnate në Lojërat Olimpike.
Meçi do të zhvillohet më 27 korrik në Kokugikan Arena të Tokios dhe parashihet të fillojë në ora 6:24 me kohën tonë lokale dhe në 13:24 me kohën lokale të Japonisë. Ky cilësohet si një meç tejet i vështirë për Donjeta Sadikun, pasi Caroline Dubois është kampione botërore në kategoritë e reja.
Donjeta është përgatitur mjaft mirë, ndonëse në heshtje, pasi një pjesë të fazës stërvitore e ka realizuar në Tampere të Finlandës bashkë me Mira Potkonenn nga ky shtet, si sparing partnere, e cila ishte medaliste e bronztë olimpike në Rio 2016, dhe më pas ka zhvilluar gara të karakterit nërkombëtarë, para nisjes së saj për në Tokyo 2020.
