Sindikata e Punëtorëve Shëndetësor të QKUK-së, ka njoftuar se kanë vendosur që t’i japin edhe një mundësi dialogut social në vend të masave dhe veprimeve sindikale.
Ky vendim u mor në mbledhjen e Kryesisë dhe Këshillit Drejtues të mbajtur sot.
“Federata e Sindikatave të Shëndetësisë së Kosovës t’i drejtohet Komitetit Ekzekutiv për Shëndetësi dhe Bordit të SHSKUK-së për mbështetje në kërkesën për anulimin e urdhëresave të jashtligjshme, diskriminuese dhe që kanë elemente të përdorimit të standarteve të dyfishta në raport me kominitetet tona nga SHSKUK / QKUK”.
“Sigurojmë opinionin e gjerë dhe anëtarësinë që e mbështesim plotësisht reformën dhe secilën përpjekje të menaxhmentit të SHSKUK / QKUK-së për përmirësimin e cilësisë së shërbimeve, mirëpo konsiderojmë që këto urdhëresa nuk kanë ndonjë efekt pozitiv në arritjen e këtij objektivi, ndërsa të njejtat vetëm se e rrisin edhe më tej mbingarkesën me punë për infermierët si dhe duke e zhvendosur fokusin e infermierëve nga kujdesi dhe zhvillimi i veprimtarisë infermierore në fushën administrative”, thuhet në njoftim.
Sindikata e Punëtorëve Shëndetësot të QKUK-së, ka konsideruar se partnerët social brenda secilës ndërmarrje duhet që të gjejnë mënyra dhe koncenzus në të mirën e përgjithshme, në këtë rast të SHSKUK / QKUK-së me Shoqatën Sindikale të Punëtorëve Shëndetësor të QKUK-së dhe infermierët, e që gatishmëria jonë nuk mungon për të gjetur zgjidhje lidhur me kontestet.
“Secila palë jemi këtu për shërbim, e jo për sundim dhe ndarje të privilegjeve, pasi privilegj duhet të ketë vetëm qytetari / pacienti i cili kërkon shërbime në institucionet tona. Shoqata Sindikale e Punëtorëve Shëndetësor të QKUK-së mbetet e përkushtuar në krijimin, ruajtjen dhe avancimin e mardhënieve të bashkpunimit, mbështejen e reformave dhe iniciativave për përmirësimin e cilësisë së shërbimeve duke e ofruar mbështetjen e plotë”, thuhet në njoftim.
