Një aksident mes tri automjeteve ka ndodhur në autostradën “Ibrahim Rugova”, drejtimi Suharekë-Duhël.
Si pasojë një person ka pësuar lëndime, ku dhe i është ofruar trajtimi mjekësor.
Rastin e konfirmoi zëdhënësi i Policisë së Kosovës, Bajram Krasniqi.
“Rreth orës 14:10 policia është njoftuar për një aksident trafiku të ndodhur në autostradë drejtimi Suharekë-Duhël, në aksident janë përfshirë tri automjete, si pasojë e aksidentit një person ka kërkuar ndihmë mjekësore. Policia është marrë me procedurat në vend ngjarje”, tha Krasniqi.
