Presidentja Vjosa Osmani është takuar me zëvendëspresidentin e ri të Shteteve të Bashkuara, J.D Vance, gjatë darkës së shtruar nga presidenti francez Emanuel Macron, në pallatin Élysée.
Përveç me Vance e Macronin, e para e shtetit u takua edhe me kryeministrin indian Narendra Modi, atë kanadez Justin Trudeau, e shumë liderë të tjerë botëror.
“Momente si këto forcojnë lidhjet diplomatike e ekonomike dhe hapin mundësi të reja për bashkëpunim”, shkroi Osmani në një postim në Facebook.
Presidentja po ashtu tha se u takua me liderë të disa prej kompanive më të mëdha botërore si Google, Open AI dhe Alibaba. /Gazeta Enigma
