Sot pritet mot me vranësira dhe intervale të shkurta me diell. Mjegulla do të jetë e pranishme në disa zona deri në orët e mëngjesit.
Gjatë ditës, reshjet lokale të shiut do të përhapen gradualisht, ndërsa në mbrëmje një front i ftohtë do të sjellë reshje në të gjithë territorin, shkruan Gazeta Enigma.
Në pjesën më të madhe të territorit, reshjet e shiut do të shndërrohen në borë para mesnatës, ndërsa deri pas mesnate ky shndërrim do të ndodhë në të gjithë vendin.
Reshjet pritet të jenë më të dendura lokalisht, veçanërisht në Rrafshin e Dukagjinit, njofton Meteo Kosova.
Era do të fryjë fillimisht nga drejtimi i jugperëndimit, ndërsa me ardhjen e frontit të ftohtë, do të zhvendoset nga drejtimi i veriut, e cila kohë pas kohe pritet të jetë mjaft e fuqishme, me shpejtësi prej 15-50 km/h.
Temperaturat minimale do të lëvizin prej -6 deri në 3°C, ndërsa ato maksimale prej 6 deri në 11°C./GazetaEnigma/
