Partizani ka pësuar humbje nga Astana me rezultat 1-0 në ndeshjen e parë të play-offit të Ligës së Konferencës.
Kampionët e Shqipërisë u mbajt mirë deri në minutat e fundit të pjesës së parë, pasi vendasit kishin shumë më shumë nga loja.
Ndeshja u zhbllokua në minutën e 41-të, kur Stjepan Loncar shënoi për 1-0.
Vendasit shënuan edhe njëherë në kohën shtesë të pjesës së parë, por u anulua për pozitë jashtë loje.
Edhe në pjesë e dytë vendasit ishin shumë më kërkues, me Partizanin që kishte shumë pak nga loja, duke i mbrojtur me të gjitha forcat.
Madje Astanas iu anuluan dy gola të shënuara nga Marin Tomasov në minutat 68’ dhe 90+1’.
Partizani merr një rezultat shpresëdhënës për ndeshjen kthyese që zhvillohet pas një jave.
