Sot ka filluar të dëgjohet dëshmia e dëshmitares të 17-të me radhë, Dragica Bozhaniq, në çështjen ndaj Hashim Thaçit, Kadri Veselit, Rexhep Selimit dhe Jakup Krasniqit, në Dhomat e Specializuara të Kosovës në Hagë.
Avokati i Thaçit, Gregoru Keohe, po vazhdon me pyetje për dëshmitaren e 17-të në Gjykatën Speciale.
Dëshmitarja serbe e ka pranuar se para sulmit nga pjesëtarët e UÇK-së, serbët civilë të asaj ane, ishin armatosur nga Serbia.
Keohe e ka përballur edhe me disa deklarata në të kaluarën.
Keohe: Ju bë pyetje nëse ndonjë prej burrave kishte qenë pjesë e Ushtrisë serbe dhe ju thatë jo. Mendoj se në deklaratën tuaj keni thënë që shumë prej burrave në fshatin tuaj ishin të armatosur me armë?
Dëshmitarja: Po.
Keohe: Kur filloi konflikti në Kosovë a është e saktë të thuhet që autoritetet serbe iu dhanë armë civilëve në fshatra të ndryshme?
Dëshmitarja: Kjo ka ndodhur përpara. Në cilat vite nuk e mbaj në mend. Ka ndodhur më herët.
Keohe: Është fakt që burrat e fshatit tuaj kishin marrë armë nga Serbia?
Dëshmitarja: Po
Keohe: Autoritetet serbe iu jepnin armë civilëve edhe në demonstrata?
Dëshmitarja: Jo në protesta. Armët janë shpërndarë për burrat.
Keohe: Le ta shohim dokumentin. Keni thënë gjatë demostratave në Kosovë i janë dhënë armë. Kushdo që ka marrë armë ka marrë armë në demonstrata. A ju kujtohet?
Dëshmitarja: Po.
Keohe: Kur flisni për këtë doni të thoni që gjatë demonstratve në Kosovë autoritet serbe iu kanë dhënë armë serbëve?
Dëshmitarja: Po
Keohe: A është e saktë se autoritetet serbe u kanë dhënë civilëve armë në gjithë Kosovën?
DËshmitarja: Nuk e di për gjithë Kosovën.
Keohe: Ditën kur ndodhi incidenti, shumë prej serbëve erdhën tek shtëpia e juaj. Apo jo?
Dëshmitarja: Po. Kur filluan të shtënat e mora vesh që ata kishin armë.
Keohe: Kur filluan të shtënat ju pra e morët vesh që burrat serbë që janë në shtëpi kishin armë me vete?
Dëshmitarja: Po
Keohe: Kur mbërritën në shtëpinë tuaj, kishin municion dhe jelek antiplumb?
Dëshmitarja: Kishte një jelek të veshur.
Keohe: A kishte municion?
Dëshmitarja: Jo, jo. Ishte jelek ushtarak, por nuk kishte asgjë aty.
Keohe: Ju keni thënë që ajo kishte një armë në duart e saj. Nuk e kishte në dorë, por me vete. Kur e keni thënë këtu, për kë e kishi fjalën?
Dëshmitarja: Pushka ime, është gabim. Unë nuk kisha fare armë. Ajo kishte një armë gjahu dhe e kishte lënë te karroca.
Keohe: Gruaja për të cilën po flisnim, a kishte armë gjahu dhe municion?
Dëshmitarja: Nuk e kam parë këtë.
Keohe: A pajtoheni me mua se para incidentit, serbët kishin shpërndarë armë për civilët serbë?
Ndryshe, Krasniqi dhe Thaçi janë duke e përcjellë seancën përmes video-lidhjes, ndërsa Selimi dhe Veseli janë të pranishëm në sallë.
