Përfaqësuesja e Kosovës U19 në konkurrencën e femrave ka pësuar humbje në ndeshjen vendimtare të Grupit 5 të Ligës B për kualifikimet e Kampionatit Evropian 2022.
Pas fitoreve ndaj Letonisë dhe Lihtenshtajnit, Dardanet U19 kanë pësuar humbje nga nikoqirja e ndeshjeve të këtij grupi, Kroacia, me rezultat të ngushtë 1:0.
Kombëtarja e Kosovës U19 në konkurrencën e femrave, ka shënuar fitoren e dytë në kualifikimet për Kampionatin Evropian 2022, që po zhvillohen në Poreç. Në ndeshjen e dytë të Grupit 5 në Ligën B, Dardanet U19 kanë shënuar fitore ndaj Lihtenshtajnit, me rezultat 2:1. Të dy golat për Kosovën i shënoi Fortesa Berisha (5’ dhe 65’).
Kombëtarja e Kosovës U19 në konkurrencën e femrave ka pësuar humbje në ndeshjen vendimtare të Grupit 5 të Ligës B për…Posted by Federata e Futbollit e Kosovës – Football Federation of Kosova on E hënë, 25 tetor 2021
Golin e vetëm të kësaj ndeshjeje e realizoi Barbara Zhivkoviq, në minutën e 36-të.
Në vazhdim të ndeshjes përkundër përpjekjeve maksimale për të barazuar rezultatin vashat e drejtuara nga Kushtrim Munishi nuk ia arritën qëllimit, duke i mbyllur këto kualifikime me 6 pikë në pozitën e dytë, teksa Kroacia e siguroi kalimin në Ligën A dhe pjesëmarrjen në fazën e radhës kualifikuese.
Kalimin tutje e siguron edhe vendi i dytë më i mirë nga gjashtë grupet e Ligës B.
