Kryetari i Komunës së Prishtinës, Përparim Rama, ka vazhduar me ndryshime në strukturat drejtuese komunale.
Në kuadër të këtij ristrukturimi, sipas burimeve të Sinjalit është shkarkuar nga detyra edhe drejtoresha për Kulturë, Sibel Halimi.
Ky veprim vjen në vazhdën e një serie shkarkimesh në komunë, ku Rama prej ditësh po vazhdon me atë që po cilësohet si “fshesë” në drejtori të ndryshme, si pjesë e riorganizimit të qeverisjes lokale në Prishtinë.
Nga veprimi i Ramës është distancuar partia me të cilën ai fitoi garën në kryeqytet në dy palë zgjedhjet e fundit.
