Një zjarr ka shpërthyer në një objekt të një qendreje tregtare në Ferizaj, shkruan Gazeta Enigma.
Kështu raportohet nga mediat lokale, ndërsa mësohet se bëhet fjalë për njërin nga rrjetet më të njohura të marketeve në Kosovë.
Zëdhënësi i Policisë për rajonin e Ferizajt, Kanun Veseli, ka thënë se ekipet e policisë dhe zjarrfikësit kanë dalë në vendin e ngjarjes.
“Rreth orës 00:11 policia ka pranuar një informacion se qendra tregtare “Viva Fresh Story” afër policisë është kapluar nga një zjarr. Ekipet e policisë dhe zjarrfikësit kanë dal në vendin e ngjarjes. Nuk raportohet për të lënduar”, tha Veseli për Gazetën Enigma.
/Gazeta Enigma/
