Me datë 14-të prill shënohet edhe Dita e të Mbijetuarve të Dhunës Seksuale të luftës së fundit në Kosovë.
Sot, pasi bëri homazhe te Memoriali “Heroinat”, presidentja Vjosa Osmani, është deklaruar për nder të shënimit të kësaj dite.
E shoqëruar nga dy të mbijetuarat e dhunës seksuale, Vasfije Krasniqi dhe Shyhrete Tahiri Sylejmani, ajo tha se gratë dhe burrat e Kosovës nuk kanë lejuar që dhimbja t’i mposhtë.
“Dhimbjen e kanë shndërruar në shembull të guximit dhe pamposhtjes dhe qëndrueshmërisë së popullit të Kosovës”, tha Osmani.
Më tej ajo shtoi se do të vazhdojnë të kërkojnë drejtësi për të bëmat e regjimit gjenocidal të Serbisë.
Sot, për herë të parë, Ramadan Nishori, vendosi të mos heshtë dhe të flas publikisht për ngjarjen e rëndë që i ka ndodhur atij gjatë luftës.
Ai kërkoi nga njerëzit që ta shohin me respekt dhe jo me keqardhje.
