Presidentja e Kosovës, Vjosa Osmani, ka pritur në takim sot dy ish-presidentët, atë kroat Stipe Mesiq dhe atë shqiptar, Bamir Topi, shkruan Gazeta Enigma.
“Me dy miq të mëdhenj të Kosovës: ish-Presidentin kroat Stipe Mesiq dhe ish-Presidentin shqiptar Bamir Topi”, ka shkruar Osmani krahas fotografisë nga takimi në Presidencë.
Mesiq më herët ishte mysafir i kryeparlamentarit Glauk Konjufca në Kuvend, i cili i tha se ai duhet ta konsiderojë Kosovën si shtëpi të tij.
Ndërkaq, Mesiq, i cili pati dëshmuar kundër kriminelit Sllobodan Millosheviq në gjykatë, sot tha se serbët e urrejnë Millosheviqin.
“Serbët vazhdojnë ta urrejnë Millosheviqin jo pse shkaktoi gjithë ato luftëra të përgjakshme, por pse i humbi ato”, ka thënë Mesiq.
