Policia ka njoftuar se ka nisur hetimi për rastin e djeshëm në minierën Stan Tërg të Trepçës, ku 18 punëtorë mbetën të ngujuar për mbi 12 orë në thellësi rreth 800 metra.
“Dy ankuesit meshkuj kosovarë, një zyrtar dhe drejtori i Minierës Trepça, kanë raportuar se si pasojë e këputjes së një kabllo të rrufepritësit është shkaktuar një zjarr i cili ka dëmtuar në tërësi një trafo të rrymës duke e lënë pa rrymë minierën. Si pasojë, lifti për bartjen e minatorëve ka dalë jashtë funksionimit dhe në minierë kanë mbetur 48 punëtorë. Në vendin e ngjarjes kanë dalë njësitë përkatëse policore, Emergjenca dhe zjarrfikësit. Minatorët kanë dalë nga miniera në gjendje të mirë shëndetësore. Lidhur me rastin është njoftuar prokurori. Rasti nën hetime”, thuhet në raportin e PK-së.
Minatorët e tjera kishin arritur të dalin nga miniera nëpërmjet daljeve emergjente.
Një nga minatorët ka thënë se nuk pati shqetësime të mëdha, gjatë qëndrimit në minierë.
LEXO EDHE: Minatorë të ngujuar në Trepçë pas ndërprerjes së rrymës, akuzohet Qeveria për mungesë investimesh
