Partia Socialdemokrate ka reaguar për arrestimin e liderit të tyre, Dardan Molliqaj.
Kjo parti, përmes një komunikate për media ka kërkuar lirimin e menjëhershëm të Molliqajt dhe të aktivistit Adem Megjuani, të cilët sipas PSD-së po mbahen padrejtësisht në burg.
Ata theksojnë se Dardan Molliqajt nuk i është treguar fletëarresti para se të arrestohet dhe as në stacion të policisë.
“Asnjë ftesë për thirrje nuk i është dorëzuar Dardan Molliqajt sipas Procedurës së Kodit Penal. Dardani ka qenë në shtëpinë e tij dhe në zyrë. Ai ka vazhduar aktivitet e tij, takimet në qytet e konferencën për media në zyrë. Arrestimi i tij, me 60 policë, pak para emisionit televiziv, është politik. Pushteti dëshiron të hesht opozitën kritikuese”, thuhet më tej.
Ndërkohë, sipas PSD-së, aktivisti Adem Megjuani iu përgjigj pozitivisht ftesës së pranuar nga policia dhe u paraqit në stacionin policor në kohën e caktuar sipas ftesës.
“Pavarësisht kësaj, ndaj tij u shqiptua masa e ndalimit prej 48 orëve. Kjo tregon që çështja nuk është aspak procedurale.
Sipas tyre qëllimi përfundimtar i një aksioni të tillë të arrestimit, është frikësimi. /Gazeta Enigma/.
