Rezultatet përfundimtare ende askund, KQZ del sërish me njoftim

Rezultatet përfundimtare ende askund, KQZ del sërish me njoftim

Rezultatet përfundimtare të zgjedhjeve të 9 shkurtit ende nuk janë publikuar, teksa Komisioni Qendror i Zgjedhjeve, ka sqaruar sërish se pse nuk janë shfaqur rezultatet preliminare nga 100% e vendvotimeve.

“Në platformën elektronike të rezultateve preliminare janë përditësuar të dhënat për 99.72% apo 2,526 vendvotime nga 2,533 vendvotime. Pra, kanë mbetur pa u procesuar vetëm të dhënat nga 7 vendvotime. Kjo gjë do të bëhet pasi të hapen për numërim kutitë e votimit në të cilat ndodhen formularët e rezultateve të subjekteve politike”, kanë theksuar nga KQZ.

LEXO EDHE: KQZ pa përditësime të reja nga 12 shkurti

Sipas KQZ-së, angazhimi i tyre është i përqendruar në shpalljen e rezultateve përfundimtare për subjektet politike dhe kandidatët për deputetë, por gjithashtu do të përditësohen edhe të dhënat nga rezultatet preliminare për subjektet politike nga të gjitha vendvotimet.

Related Articles