Senatorja franceze Valerie Bouquet po bën thirrje për heqjen e nënshtetësisë franceze dhe kthimin e Topit të Artë nga Karim Benzema, si “hakmarrje” për lidhjet e dyshuara të sulmuesit francez me një organizatë terroriste.
Pas akuzave të ministrit të Brendshëm francez Gérald Darmanen se Karim Benzema ka “lidhje” me grupin terrorist të njohur si Vëllazëria Myslimane, senatorja franceze bëri thirrje për hakmarrje të ashpër ndaj futbollistit, raporton Marca.
“Nëse deklaratat e ministrit të Brendshëm janë të vërteta, duhet të konsiderojmë sanksione ndaj Karim Benzema. Një sanksion simbolik fillimisht do të ishte heqja e tij nga Topi i Artë. Së fundi, ne duhet të kërkojmë heqjen e shtetësisë franceze. Nuk mund të pranojmë që një shtetas francez, i njohur ndërkombëtarisht, të turpërojë dhe madje ta tradhtojë vendin e tij në këtë mënyrë”, shpjegon ajo në deklaratë.
