Emocionet e Ligës së Kampionëve në fazën e eliminimit direkt do të rikthehen sonte nga ora 21:00 me dy super ndeshje.
Ndeshjet që do të luhen janë Milan – Tottenham dhe Paris – Bayern.
E gjithë vëmendja do të jetë në derbin e madh Paris – Bayern, pasi konsiderohen si favorite për ta fituar këtë trofe.
Parisit në këtë ndeshje i kthehet super dyshja Lionel Messi dhe Kylian Mbappe që kanë qenë të lënduar në ndeshjet e fundit, raporton Gazeta Enigma.
Kurse, Bayerni në këtë ndeshje do të jetë me një armë shtesë, mbrojtësin e krahut Joao Cancelo i cili iu bashkua skuadrës gjermane nga Manchester City.
Herën e fundit kur ishin takuar këto dy skuadra ishte viti 2021 kur Parisi e kishte eliminuar Bayernin nga faza e eliminimit direkt.
Finally. #UCL pic.twitter.com/gfXs3UqdG3— UEFA Champions League (@ChampionsLeague) February 14, 2023
