Goli i mbrojtësit të Ballkanit, Armend Thaqit është zgjedhur si më i mirë i javës së ndeshjeve të treta të Grupeve të Ligës së Konferencës.
Ballkani ka marrë fitoren e parë në grupet e garave evropiane, duke triumfuar me rezultat 4-3 në udhëtim te Sivasspori.
Golat në këtë fitore për ekipin tonë u shënuan nga Armend Thaqi (20’), Arbër Potoku (31’), Meriton Korenica (66’) dhe Ermal Kraniqi (90+4).
Megjithatë, goli i Thaqit ishte ai i cili u vlerësua më shumë dhe hyri në garë për më të mirin e javës në Ligën e Konferencës.
Përveçse në garë, supergoli nga distanca i reprezentuesit të Kosovës u zgjodh më i miri duke fituar garën nga votat e publikut.
“Goditja nga distanca e Armend Thaqit fiton çmimin “Goli i javës në Ligën e Konferencës”, shkruan në postimin e faqes zyrtare.
Në këtë garë, ylli i Ballkanit mposhti emra i Christian Kouame (Fiorentina), Euclides Cabral (Apollon Limasol) dhe Alex Baena (Villarreal).
????⚫️ Armend Thaqi's long-distance hit wins #UECLGOTW ????
@Heineken | #UECL pic.twitter.com/hFcWJGY8fq— UEFA Europa Conference League (@europacnfleague) October 7, 2022
