Presidenti amerikan, Donald Trump, i ka vënë Kosovës tarifa prej 10 përqind, ndërkohë që vendet e tjera të rajonit po ashtu janë gofitur nga tarifat.
Shqipëria dhe Mali i Zi po ashtu nga nesër do të kenë tarifa prej 10 përiqnd.
Serbia do të ketë tarifa prej 37 përqind, ndërsa Maqedonia e Veriut tarifa prej 33 përqind dhe Bosnja e Hercegovina 35 përqind.
E gjithë kjo është skemë e administratës amerikane ndaj partnerëve tregtar të Shteteve të Bashkuara.
Më e goditura është Kina. Trump tha se Kina “ngarkon” Shtetet e Bashkuara me një tarifë prej 67 përqind, kështu që Shtetet e Bashkuara do të ngarkojnë Kinën me një tarifë prej 34 përqind.
Grafiku gjithashtu, sipas tij, tregon se Shtetet e Bashkuara do të ngarkojnë Bashkimin Evropian me një tarifë prej 20%, Vietnamin me një tarifë prej 46%, Tajvanin 32%, Japoninë 24%, Indinë 26%, Korenë e Jugut 25%, Tajlandën 36% e kështu me radhë.
Nga tarifat që ka përmendur derisa ka folur në Shtëpinë e Bardhë, kanë qenë ato prej 25 për qind ndaj të gjithë prodhuesit e huaj të automjeteve.
Ai ka thënë se mbi 80% e makinave të prodhuara në Kore të Jugut shiten në Kore të Jugut, dhe mbi 90% e makinave të shitura në Japoni janë prodhuar në Japoni, dhe se makinat e prodhuara në SHBA përfaqësojnë vetëm një pjesë të vogël në ato vende.
“Ford ka shitje shumë të vogla” në vende të tjera, një disbalancë tregtare që e ka “shkatërruar” industrinë amerikane, sipas tij.
“Për këtë arsye, duke filluar nga mesnata, do të vendosim një taksë 25% për të gjitha automjetet e prodhuara jashtë vendit”, ka thënë Trump.
Ai e ka filluar fjalimin e tij në atë që ai e ka cilësuar si “dita e çlirimit” duke thënë se partnerët tregtarë e kanë grabitur SHBA-në për dekada me radhë.
“Taksapaguesit tanë janë grabitur për më shumë se 50 vjet, kjo nuk do të ndodhë më”, ka thënë Trump.
Ai ka bërë të ditur se do të nënshkruajë një urdhër ekzekutiv në lidhje me “tarifat reciproke”.
“Unë do të nënshkruajë një urdhër ekzekutiv për tarifa reciproke me të gjitha vendet e botës. Reciproke, do të thotë se ata na vendosin tarifa neve, kurse ne u vendosim tarifa atyre. Shumë e thjesht. Nuk mund të ishte më e thjeshtë se kaq”.
Ai ka kritikuar Bashkimin Evropian dhe shtetet aziatike për tarifa në automjetet e prodhuara në SHBA.
“Ato ditë kanë përfunduar”, ka thënë ai.
Gjatë fjalimit të tij Trumpi i është rikthyer retorikës tradicionale “Amerika e para”, duke sugjeruar se Shtetet e Bashkuara do të vazhdojnë të tërhiqen nga skena botërore.
“Shtetet e Bashkuara s’mund të vazhdojnë me një politikë unilaterale të tërheqjes ekonomike”, ka thënë Trump. “Ne duhet të kujdesemi për njerëzit tanë në radhë të parë”, ka shtuar ai.
Trumpi ka bërë të qartë për të gjithë liderët botërorë se nëse ata duan të përjashtohen nga “tarifat e tij reciproke”, atëherë ata duhet të ndryshojnë politikat e tyre tregtare.
“Anuloni tarifat tuaja, hiqni barrierat, mos manipuloni me valutat, dhe filloni të blini mallra amerikane në vlerë prej miliarda dollarësh”, ka thënë ai.
