Pasditen e së premtes në varrezat e qytetit të Gjakovës u varros Ismet Osmanaj.
52 vjeçari dyshohet se mbeti i vdekur pasi u ther me thikë të hënën e 14 qershori nga ish-bashkëshorti i gruas së tij, në Durne të Belgjikës.
Familjarët e të ndjerit nuk i dinë arsyet e kësaj vrasjeje, por se janë të tmerruar me lajmin pasi Ismeti kishte vetëm 4 ditë që kishte shkuar në shtetin belg për të jetuar me gruan që u martua verën e kaluar.
Edhe në familjen e gruas 42 vjeçare, janë të prekur nga rasti pasi me ish-dhëndrin ka kohë që kishin shkëputur kontaktet, dhe një përfundim të tillë kurrë nuk e kishin pritur.
Familja Osmani nga Gjakova do të presë njerëz për ngushëllime në shtëpinë e tyre deri të dielën.
