Kryeprokurori i Prizrenit, Petrit Kryeziu, në konferencën që po mbahet për media, ka dhënë detaje për aksionin e realizuar sot, ku kapën 109 komisionerë të dyshuar për manipulime me vota.
Kryeziu bëri të ditur se në rajonin e Prizrenit, vetëm një klasë (vendvotim) ka dalë e ‘pastër’, pra ku s’janë gjetur keqpërdorime,
Diferenca totale është 68 mijë e 78 vota.
“Vetëm në një klasë, janë manipuluar mbi 2 mijë 444. Në rajonin tonë, ato që janë numëruar nga subjektet politike, në QKN, vetëm një klasë ka dalë e pa keqpërdorur. Po flasim për Komunën e Prizrenit, janë shtuar 40 mijë e 497 vota dhe janë hequr hiç më pak se 27 mijë e 500 vota. Pra diferenca totale e keqpërdorimeve është 68 mijë e 78 vota. Po flasim për dashje direkte për ta përmbytur rezultatin.”
