Pas shumë ditësh me reduktime të rrymës, në Prizren kjo ka ndikuar që të ketë edhe ndalesa të ujit.
Nga reduktimet e energjisë, më së shumti po përballen me mungesë të ujit qendra e qytetit, lagjja “Bajram Curri”, “Arbana” dhe “Jeta e Re”.
Banorët po ballafaqohen me reduktime të ujit nga ora 20 e mbrëmjes deri në 6 -7 të mëngjesit, dhe kjo sipas tyre është e papërballueshme.
Sipas Kompanisë së Ujësjellësit “Hidroregjioni Jugor” në Prizren, që furnizimi i rregullt me ujë të kthehet në këto lagje, faktori kryesor është përmirësimi i gjendjes energjetike, pasi furnizimi me rënie të lirë është i pamundur tash kur shumë puse kanë nivel të ulët të ujit dhe duhet medoemos të aktivizohen pompat gjatë gjithë kohës.
