Presidenti i Serbisë, Aleksandër Vuçiq, ka thënë se shteti i Greqisë u ka dhënë garanci atyre se nuk do ta njohin pavarësinë e Kosovës.
Ai ka theksuar se “lajm o keq për Beogradin” është ngrohja e raporteve në mes të Prishtinës dhe Athinës, raporton TV Pink, transmeton Klankosova.tv.
“Nuk dua të flas përpara se të dimë dicka. Ka pasur ndryshime në marrëdhënie dhe jam duke pritur për të parë nëse bëhet fjalë për një zyrë tregtare apo dicka më tepët në mes të Greqisë dhe Kosovës. Duhet të shohim se cfarë do të pasojë dhe paskëtaj ta informojmë publikun”, është shprehur Vuçiq.
Greqia dhe Kosova së fundmi kanë thelluar bashkëpunimin në fushën e ekonomisë, ku në prill është mbajtur forumi i tretë ekonomik mes dy vendeve.
